ಅಭಿಸರಣ

ಮನದಂಗಳದಿ ಮೂಡಿರೆ ನೂರಾರು ಪ್ರೇಮಪುಷ್ಪ 

 ಅಂಗೈಯಲ್ಲಿ ಅರೆಬಿರಿದ ಕುಸುಮಾಂಜಲಿ 

ತಂಬೆಲರಿನಲೂ ಈಗ ಒಲವಿನಾ ಸುವಾಸನೆ 

ಅನುದಿನವೂ ನಿರಂತರ ಅಕ್ಕರೆಯ ಉಪಾಸನೆ... 

 ದುಗುಡ ಕಳೆವ ಉತ್ಪಲಮಿತ್ರನಿಂದ 

ಮಿಣುಕುಹುಳಕೂ ನವಿರಾದ ಬದುಕು 

ಸಂಚಿಯ ತುಂಬ ಕಸವರದ ಸಂಚಯ 

ಅವಕಾಶಕೆ ಕಾದುಕುಳಿತ ಸಂಚುಗಾರ.... 

ಭಾವನೆಗಳ ಸರಿಗಮದಿ ನವಪಲ್ಲವಿ 

ಏಕತಾನತೆ ಮುರಿವ ಹೊಸ ವ್ಯಕ್ತಿತ್ವ 

ಸ್ವರವೀಣೆಯಲಿ ಅವ್ಯಕ್ತ ರಾಗದಾ ಸಂಚಲನ 

ಅಂತಧಾ೯ನವಾದ ಚೂರುಗಳ ಏಕೀಭಾವ.... 

 ಚರಿತಾಥ೯ದ ಸುದೀರ್ಘ ಯಜ್ಞದಲಿ ಅ

ತ್ಯಾನಂದದಿ ಹವಿಯಾದ ಆಜ್ಯ 

ನಡೆವ ಹೋಮದಲಿ ಆಹುತಿಯಾದ ವ್ಯಾಜ್ಯ 

ಭಸ್ಮದಲಿ ಲಭಿಸುವುದೆಲ್ಲ ನೆನಪುಗಳಾ ಪುಡಿ.. 

 ನಿಜ೯ನವಾದ ವಿಪಿನದಿ ಸಾಗುವ ಹೆಜ್ಜೆ 

ಕಾಲುದಾರಿಯಲಿ ಕಲ್ಲು ಮುಳ್ಳುಗಳ ಪಯಣ 

ಗಮ್ಯದೆಡೆಗೆ ಒಂದು ಸಣ್ಣ ಪಕ್ಷಿನೋಟ 

ಅನಾಮಿಕನೊಬ್ಬನ ಅದ್ಭುತ ಅಭಿಸರಣ...  

- R. R. B.