ಜೀವಸೂರ್ಯ ಅಸ್ತಮಿಸೋ ಹೊತ್ತು
ಒಲೆಯ ಮೇಲೆ ಉರಿವ ಬೆಂಕಿ
ಧಗಿಸುತಿಹ ಜ್ವಾಲೆ ಮನದೊಳಗೂ....
ಮೊದಲ ಚಹ ಮಾಡಿದಾ ಅನುಭವ
ಪ್ರಥಮ ಪ್ರೇಮದ ಸವಿ ಅನುಭಾವ
ಎರಡರಲೂ ಕೈಸುಟ್ಟುಕೊಂಡ ಆ ಕ್ಷಣ
ಎಲ್ಲಾ ಇದ್ದೂ ಮನದಿ ಶೂನ್ಯ ಭಣಭಣ....
ಸೋಸುವಿಕೆಯಲಿ ಹೊಗೆಯಾಡಿಹ ಚಹ
ಬಾಹ್ಯದಿ ತಂಪೆನಿಸಿದರೂ ವಾತಾವರಣ
ಆಂತರ್ಯದಿ ಅಗ್ನಿಪುಷ್ಪದ ಕಾವು
ದೂರ ಸರಿಸಿದ ತನ್ನವರ ಬಗೆಗಿನ ನೋವು....
ಮನಮೆಚ್ಚಿದ ಸಂಗಾತಿ ಜೊತೆಯಾಗಿರಲು
ಬದುಕು ಕಂಡಿದೆ ತೃಪ್ತಿಯಾ ಸೂರು
ಇಳಿವಯಸ್ಸಲೂ ಚಹದಲಿ ದುಡಿಮೆ
ಕಿಂಚಿತ್ತೂ ಇಳಿದಿಲ್ಲ ಮಡದಿಯಾ ಒಲುಮೆ....
ಕ್ಷೀರಶರ್ಕರದ ಮಿಶ್ರಣವೇ ಬಾಳು
ಕುದಿಯಬೇಕಿದೆ ಹದ ಬರುವ ತನಕ
ಚಹಪುಡಿಯ ನವರಸವು ಬೆರೆತರೆ
ಜೀವನದ ಪೇಯ ಸವಿದವನೇ ಧನ್ಯ
- R. R. B.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ