ಹೆಸರಿಡದ ಸಾಲುಗಳು - 1

ನಡುರಾತ್ರಿಯಲ್ಲಿ ಕಾಡುಮಲ್ಲಿಗೆಯು ಒಂಟಿ 

ಆತ ಕೇಳಿದ - ಬರುತ್ತೀಯಾ? ಎಂದು 

ಅಲ್ಲಿಂದ ಬಿರಬಿರನೆ ಹಾಕಿದ ಅವಳ ಹೆಜ್ಜೆಗೆ 

ಕಣ್ಣಂಚಿನ ನೀರೇ ಜೊತೆಯಾಗಿತ್ತು... 

******************************** 

ಬೊಗಸೆ ಪ್ರೀತಿಗಾಗಿ ಹಾತೊರೆವ ಬದುಕು 

ರಾತ್ರಿ ಹನ್ನೆರಡರಲೂ ಸ್ಟಡಿಲ್ಯಾಂಪಿನ ಬೆಳಕು 

ವಾರ್ಡನ್ ಕಾರಣವಿಲ್ಲದೇ ಬೈದಾಗಲೆಲ್ಲ 

ಮನ ಹಿಡಿದದ್ದು ಮನೆಯ ದಾರಿಯೇ?... 

********************************* 

ದೇವಸ್ಥಾನಕ್ಕೆ ಹೋಗೋಣ ಎಂದನಾತ 

ತುಸು ನಿಧಾನಕ್ಕೆ ಅವಳುತ್ತರ - ಇಲ್ಲ 

ನೀನು ಮಾತ್ರ ಅಲ್ಲ, ನಾನೂ ಬ್ಯುಸಿನೇ..

ಎಂದು ಕಾಲ್ ಕಟ್ಟಾದಾಗ ಅತ್ತಿದ್ದು 

ಅವನ ಮಾತಿಗೋ? ಇಲ್ಲಾ ಹೊಟ್ಟೆನೋವಿಗೋ ?... 

******************************** 

ಎಷ್ಟೇ ಕಲಾತ್ಮಕವಾಗಿದ್ದರೂ ಹೂದಾನಿ 

ಹೂಗಳಿಲ್ಲದೇ ಸುರಿಸುತಿದೆ ಕಂಬನಿ ಎಷ್ಟೇ 

ಆಳುಕಾಳುಗಳಿದ್ದರೂ ಮನೆಯಲಿ 

ಸಂಗಾತಿ ನೀ ಇಲ್ಲದಿರೆ ಮನ - ಖಾಲಿ ಖಾಲಿ... 

******************************** 

ಮುಂಜಾನೆಯಿಂದ ಮುಸ್ಸಂಜೆ ತನಕ 

ಮಲ್ಲಿಗೆಯ ಮಾಲೆ ಮಾರುತ್ತ ಕುಳಿತ 

ಹರೆಯದ ಹುಡುಗಿಯ ಒಲವ ಮಲ್ಲಿಗೆ 

ಬಾಡಿಹೋಗಿ ಅದಾಗಲೇ ವರ್ಷ ಕಳೆದಿತ್ತು... 

******************************* 

 - R. R. B.