ನಿಜವಾಗಿಯೂ ಈಗ ನಾನೇ?
ಮೊದಲಿದ್ದ ನಾನು ಈಗೆಲ್ಲಿ ಹೋಗಿದೆ?
ಬಾರನೆಂಬಷ್ಟು ದೂರದ ಮಸಣಕೆ
ಇಲ್ಲಾ,
ಹುದುಗಿ ಹೋಗಿದೆಯೇ
ಅನಂತ
ಕಡಲಿನಾಳದ ಕಪ್ಪೆ ಚಿಪ್ಪುಗಳೊಳಗೆ?
ಅಂತರಾತ್ಮಕ್ಕೊಂದು ಕಟುವಾದ ಪ್ರಶ್ನೆ
ಬಡಗಣದಲ್ಲೆಲ್ಲೊ ಕಳೆದುಹೋಗಿದೆ ಉತ್ತರ
ಉತ್ತರಕ್ಕಾಗಿ ಉತ್ತರ ದಿಕ್ಕಿನಲ್ಲಿ ಪಯಣ
ಎಲ್ಲೆಡೆ ಶೋಧಿಸುತ್ತಿದೆ ಈ ಪುಟ್ಟ ನಯನ
ಚರಾಚರಗಳ ವೀಕ್ಷಿಸಲು ಅದಕ್ಕಿಲ್ಲ ಗಮನ
ಈ 'ನನ್ನತನ' ಎಂಬುದರ ಹುಡುಕಾಟದಲಿ
ವಸುಂಧರೆಯಲಿ, ಪಾತಾಳ ಲೋಕದಲಿ
ಚಂದ್ರ-ಅಕ೯ರಲಿ, ನಕ್ಷತ್ರ ಪುಂಜದಲಿ....
ನಾನೆಂಬ 'ನ' ಕಾರದ ಪರಿಶೋಧನೆ
ಅವಕಾಶದಲ್ಲಿಲ್ಲವೀ 'ನ' ಕಾರ
'ನಾನು' ಎಂಬ ಕಲ್ಪನಾತೀತ ಪದಕೆ
'ನನ್ನತನ'ವೆಂಬ ಕಪ್ಪುಚಾದರದ ಹೊದಿಕೆ
ಅಂತ್ಯದಲೂ ಲಭಿಸದೆ ಈ 'ನಾನು'?
ಹೋಗುವಾಗ ಒಯ್ಯಲಾಗದು ಯಾವ ಹೊನ್ನು
ಜೀವನದ ಗಹನವಾದ ಅಂಶ ತಿಳಿವವರೆಗೆ
'ನನ್ನತನ'ದ ಶೋಧದ ಹೋಮ ನದಿಯ ಒಳಗೆ..
- R.R.B.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ