ದೀಪಗಳ ಪರ್ವದಿ..

ಹಣತೆಯಿಂದ ಹಣತೆಯ 

ಬೆಳಗುವ ದೀಪಾವಳಿಯ ಸುದಿನ 

ಭಕ್ತಿ ಭಾವದಿ ತನು - ಮನ 

ಸೌಹಾರ್ದತೆಯ ಸಮ್ಮಿಲನ 

ಸಂಭ್ರಮ, ಸಡಗರಭರಿತ 

ಸುಂದರ ದಿನ, ಆಪ್ತತೆಯ ಕ್ಷಣ 

ಚಿನಕುರುಳಿಗಳ ನಗೆಯೇ ಪಟಾಕಿ 

ತರಬೇಕಿಲ್ಲ ಅಂಗಡಿಯಿಂದ ಹುಡುಕಿ 

ಗಿರಗಿರನೆ ತಿರುಗುವ ನೆಲಚಕ್ರಕೆ ಪರ್ಯಾಯ, 

ನೆನಪುಗಳ ಸರಣಿಯ ಸುತ್ತುವ 

ಗತ - ಪ್ರಸ್ತುತ ಜೀವನಚಕ್ರ 

ಡಾಂಭಿಕತೆಯ ನೆರಳಿಲ್ಲದೇ 

ಆಚರಿಸುವ ಶುಭ ಪವ೯ 

ಅಂತಧಾ೯ನವಾಗಿಸುವುದು ಗವ೯ 

ಪ್ರಜ್ವಲಿಸುವ ಜ್ಯೋತಿಯು 

ಸವ೯ರ ಮನೆ - ಮನೆಗೆ

 ಜ್ಞಾನವೆಂಬ ಸುಜ್ಯೋತಿಯು 

ಎಲ್ಲರ ಮನ - ಮನಕೆ 

ನೆಲ್ಮೆಯ ಬೆಳಕು ನೀಡಲಿ

 ದ್ವೇಷ, ಕೋಮು ಗಲಭೆಗಳು ಅಳಿದು 

ಸಂಪ್ರೀತಿ ಮೂಡಲಿ ಸಾಮರಸ್ಯವು ನೆಲೆಸಲಿ... 

 - R. R. B.