ಅಮೂರ್ತದೆಡೆಗೆ

ಶೂನ್ಯದಿಂದ ಅನಂತದ ಕಡೆಗೆ 

ಭುವಿಯಿಂದ ನೀಲಾಕಾಶದೆಡೆಗೆ 

ತೀರದಿಂದ ಶರಧಿಯಾಳದತ್ತ 

ಓಡುತಿರುವ ಭಾವಯಾನ..... 

ಕಲ್ಪನೆಗಳೆಂಬ ಕುದುರೆಗೆ 

ದೃಢವಾದ ರೆಕ್ಕೆ ಬಲಿತು 

ಪವನ ವೇಗದಲಿ ವಿಹಾರ... 

ಸುವಾಸನೆಯ ಸುಂದರ ಸುಮಗಳೋ 

ಚುಚ್ಚಲು ಕಾದುಕುಳಿತ ಮುಳ್ಳುಗಳೋ 

ದೃಷ್ಟಿಕೋನದ ಮೇಲೆ ಅವಲಂಬಿತ 

ಸವೆಯುತಿರುವ ಕಾಲ ನಿರೀಕ್ಷಿತ 

ಆದಶ೯ - ವಾಸ್ತವಗಳ ಮಧ್ಯೆ 

ನೋವು - ನಲಿವುಗಳ ಜೊತೆಗೆ 

ಅನುಭವಗಳ ಸಂಗ್ರಹಕೆ ಚೀಲ 

ಅಥ೯ಕೆಟುಕದ ಮನ ನಿಗೂಢ ಬಿಲ 

ಹಲವು ಚಿಂತನೆಗಳ ನಡುವೆ 

ಕಲ್ಪನಾಲೋಕವು ಗತಿ ಬದಲಿಸಿದೆ 

ಮೂತ೯ದಿಂದ ಅಮೂತ೯ದೆಡೆಗೆ..... 

 - R. R. B.