ಬೆಳಕು ಅತ್ತ ಸರಿದಾಗ
ಬೆತ್ತಲಾಗುತ್ತದೆ ಮನಗಳು
ಮಾತುಗಳ ರೂಪ ಪಡೆದು...
ಬೀದಿದೀಪಗಳ ಕಣ್ಣುಗಳಲಿ
ವಾಚಿಸಿರದ ಅದೆಷ್ಟೋ ಕವನ
ಸಾಗುವ ರಸ್ತೆಯ ಉದ್ದಗಲಕ್ಕೂ
ಮೂಡಿದ ಭಾವಗಳ ಮಥನ...
ಆ ಗಗನಚುಂಬಿ ಕಟ್ಟಡಗಳಲಿ
ಇಣುಕುವುದು ಅಟ್ಟಹಾಸದ ನಗೆಯೇ?
ಅಥವಾ ವೈಭೋಗದ ಕುರುಹೇ?
ಕೊಳಗೇರಿಯ ಪುಟ್ಟ ದೀಪದಲಿ
ಕಾಣುವುದು ನಿಟ್ಟುಸಿರ ಬಿಸಿಯೇ?
ಇಲ್ಲಾ ನಾಳಿನ ಊಟದ ಕನಸೇ?...
ಕಳೆದುಹೋಗುತ್ತೇನೆ ನಾನು
ಇವೆಲ್ಲರ ಹುಡುಕಾಟದಲ್ಲಿ...
ಹೌದು, ಮತ್ತೆ ಮತ್ತೆ ಕಳೆದುಹೋಗಬೇಕು
ಹೊಸ ಬದುಕ ಪಡೆಯಲು
ಹೊಸ ಕನಸ ಹಣೆಯಲು...
- R. R. B.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ