ಸಂದಿಗ್ಧತೆ

 ಮುಂದೊಂದು ಕನಸು 

 ಇಲ್ಲೊಂದು ಮನಸು 

 ಒಂದು ತಪ್ಪಾದ ಆಯ್ಕೆ 

 ನೆರವೇರುವುದೇ ಕಾಣ್ಕೆ?.. 

 ವೃತ್ತಿಗೇ ಒಂದು ದಾರಿ 

 ಪ್ರವೃತ್ತಿಗೆ ಬೇರೆಯೇ ಹಾದಿ 

 ಬದುಕೀಗ ಎರಡು ದೋಣಿಗಳ 

 ಮಧ್ಯೆ ಕಾಲಿಟ್ಟ ಮನುಜನಂತೆ.. 

 ತಲೆಯಲ್ಲಿ ನೂರಾರು ಚಿಂತೆ.. 

 ಕ್ಷಣಿಕ ಕಾಲದ ಸುಖಗಳೋ? 

ಇಲ್ಲಾ ಸುದೀಘ೯ ಕಷ್ಟಗಳೋ? 

ಮನವೀಗ ಗೊಂದಲದ ಗೂಡು 

ಕೇಳಬೇಕಿದೆ ಜೋಗುಳದ ಹಾಡು.. 

ಹತ್ತಿರದವರಿಂದ ದೂರಾಗಿ 

ದೂರದಲ್ಲೆಲ್ಲೋ ಮರೆಯಾಗಿ 

ಅಸ್ತಿತ್ವವೇ ಕಳೆದುಕೊಂಡ ಭಾವ 

ತೊಳಲಾಡುತಿದೆ ಈ ಜೀವ... 

ಎಲ್ಲೊ ಒಂದೆಡೆ ಭರವಸೆಯ ಬೆಳಕು 

ಕಣ್ಣಲ್ಲಿ ಕಂಡೂ ಕಾಣದ ಹೊಳಪು 

ಉತ್ತೇಜಿಸುತ್ತಲೇ ಇದೆ..... 

ಹಾಕು ಮುಂದೆ ಹೆಜ್ಜೆ ಹಾಕು ಎಂದು. 

 - R. R. B.