ಹೊಂಗನಸು

ಕನಸು ಕಾಣಬೇಕಿದೆ 

ಸಿಹಿನಿದ್ದೆಯೊಳಗಲ್ಲ. 

ಪ್ರಜ್ಞೆಯಲ್ಲಿ ಇರುವಾಗ 

ಮನಸು ಶಾಂತವಾದಾಗ. 

ಸ್ವಪ್ನವೆಂದರೆ ಬೆನ್ನಿಗೆ ರೆಕ್ಕೆ ಕಟ್ಟಿ 

ಹಾರುವುದಲ್ಲ ಕನಸೆಂದರೆ.......... 

ಉಜ್ಜೀವನ ನಡೆಸುವತ್ತ 

ಬದುಕಿನ ಸತ್ಯ ಅರಿಯುವತ್ತ 

ಉತ್ತಮ ನಾಳೆಯ ಗಳಿಸುವತ್ತ 

ಸುರಕ್ಷತೆಯ ಶೋಧಿಸುತ್ತ 

ಒಲುಮೆಯ ಒಲವಿನತ್ತ 

ಸಾಧನೆಯ ಶಿಖರದತ್ತ 

ಅಹಮಿಕೆಯ ದೂರಾಗಿಸುತ್ತ 

ಸಾಗುವ ಹಾದಿಯ ಸುಂದರ ಕಲ್ಪನೆ.. 

ಹಲವು ತೊಂದರೆಗಳೆಡೆಯಲಿ 

ಗುರಿಯ ಸ್ಮರಿಸುವಂಥಹ 

ಮನದಾಳದ ತುಮುಲವದು.. 

ತನು ಪಡೆಯುವಾಗ ವಿಶ್ರಾಂತಿ 

ಮನಕೆ ಹೊಂಗನಸಿನ ಹೊಸ ಕಾಂತಿ. 

ನಾನೂ ಕನಸು ಕಾಣುತ್ತಿದ್ದೇನೆ - 

ಸಿಹಿನಿದ್ದೆಯಲ್ಲಲ್ಲ, 

ಹಗಲುಗನಸೂ ಅಲ್ಲ. 

 - R. R. B.