ಪಯಣ..

ಮರಳಬೇಕೇ ಮನೆಯ ಮಸಣಕೆ? 

ಅದೆಂದೋ ಸ್ವರ್ಗ ಸೇರಿದ ಮಡದಿ 

ಅಕಾಲ ಮರಣವನಪ್ಪಿದ ಮಗಳು 

ಪತ್ನಿಯ ಸೆರಗಲಿ ಮರೆಯಾಗೋ ಸು(ಕು)ಪುತ್ರ 

ಬಾಯಾರಿದಾಗ ನೀರೂ ನೀಡದ ಸೊಸೆ... 

ಪ್ರೀತಿ, ನೆಮ್ಮದಿಯಿಲ್ಲದ ಗೂಡಿಗಿಂತ 

ಪ್ರಶಾಂತ ಪಾಳುಮಂಟಪವೇ ಸುಂದರ 

ಪಲ್ಲವಿಸೆ ಚೆಂದ ನೆನಪುಗಳಾ ಹಂದರ.... 

ಹಾದಿಗುಂಟ ಹಾಸಿದ ಕಡುಕಪ್ಪು ಡಾಂಬರು 

ವೇಗದಿ ಸಂಚರಿಸೋ ಬಣ್ಣಬಣ್ಣದ ಕಾರು 

ಗಗನದ ಚಂಬನಕೆ ಕಾದಿರೋ ಕಟ್ಟಡ... 

ಎಲ್ಲಾ ಬರೀ ಅಕ್ಷಿಗಳಿಗಷ್ಟೇ ತಂಪು 

ಅಲ್ಲೂ ಇರಬಹುದು ಅಸಂತೃಪ್ತಿಯ ಧಗೆ 

ಶಾಂತವಾಗಿ ತಂತಿಯಲಿ ಹರಿವ ವಿದ್ಯತ್ತಿನಂತೆ..... 

ಮಾಸಿಲ್ಲವಿನ್ನೂ ಹೆಜ್ಜೆ ಮೂಡಿದ ಆ ಕಾಲುದಾರಿ 

ಕಷ್ಟಕೋಟಲೆಗಳಿಂದಾದ ಬದಕ ರಹದಾರಿ  

ಬೆವರನೇ ನೀರಾಗಿಸಿ ನಿರ್ಮಿಸಿದಾ ಮನೆ 

ಬದುಕ ಬದಲಿಸಿದ ಭಾವನೆಯ ಕರೆ 

ಅಸ್ತಮಿಸೋ ಆಸೆಯ ಹೊತ್ತ ಅರ್ಕ 

ಸರ್ವವನು ತ್ಯಜಿಸೋ ಸಣ್ಣ ಬಯಕೆ 

ಅದೇಕೋ ಹಿಂದಿರುಗೋ ಆಸೆಯಿಲ್ಲ 

ಮನಕೆ ಗೊಂದಲದಲೇ ನಿಲ್ಲದೇ ಸಾಗಿಬಿಡಲೇ?.. 

ಎಂದೂ ಊಹಿಸದ ಆ ಅಸಂಕಲ್ಪಿತ ಗಮ್ಯದೆಡೆಗೆ.... 

 - R. R. B.