ಮಂಗಳವಾರ, ಮಾರ್ಚ್ 21, 2023

ಯುಗಾದಿ

ಶಿಶಿರದ ಕಹಿನೆನಪ ಅಳಿಸಿ
ಹೊಸ ಹರುಷದ ಹೊಳೆಯ ಹರಿಸಿ
ಮತ್ತೆ ಬಂತು ಯುಗಾದಿ - ವಸಂತದ ಆಗಮನದಿ...
ಮನೆಗೂ-ಮನಕೂ ಕಟ್ಟುವ ಚಿಗುರ ತೋರಣ
ಸಂಭ್ರಮದಿ ಕಲಸುವ - ಹೋಳಿಗೆಯ ಸಿಹಿ ಹೂರಣ !...

ಹಚ್ಚಹಸಿರ ಸೀರೆ ಉಟ್ಟು, ಕಾದಿಹಳು ವಸುಂಧರೆ
ರವಿಯ ಹೊಂಗಿರಣವ ಬಿಗಿದಪ್ಪಲು ಬಲು ಅಕ್ಕರೆ
ಚೈತ್ರದ ಪ್ರೇಮಾಂಜಲಿಯ ಈ ಸುಂದರ ಸರಿಗಮವ
ಅಚ್ಚರಿಯಿಂದ ಕಣ್ತುಂಬಿಕೊಂಡರೆ ಅಷ್ಟೇ ಸಾಕೆ?...

ಜೀವನದ ಮಜಲುಗಳ ರೂಪಕವೇ ಬೇವು - ಬೆಲ್ಲ 
ಖುಷಿಯಿಂದ ಸವಿಯುವ ಅದ ಮನೆಮಂದಿಯೆಲ್ಲ...
ನವ ಯುಗದ ಆದಿಯಿದು ತರಲಿ ಸಂತಸದ ಬುನಾದಿ
ಹಳೆ ನೆನಪುಗಳ ಹೊಸತಾಗಿಸುತ ಮತ್ತೆ ಬಂತು ಯುಗಾದಿ..!!

- R.R.B.




ಕಾಮೆಂಟ್‌ಗಳಿಲ್ಲ:

ಯುಗಾದಿ

ಶಿಶಿರದ ಕಹಿನೆನಪ ಅಳಿಸಿ ಹೊಸ ಹರುಷದ ಹೊಳೆಯ ಹರಿಸಿ ಮತ್ತೆ ಬಂತು ಯುಗಾದಿ - ವಸಂತದ ಆಗಮನದಿ... ಮನೆಗೂ-ಮನಕೂ ಕಟ್ಟುವ ಚಿಗುರ ತೋರಣ ಸಂಭ್ರಮದಿ ಕಲಸುವ - ಹೋಳಿಗೆಯ ಸಿಹಿ ಹೂ...